گجرات (نامہ نگار) پسند کی شادی کرنے پر بھائیوں کی فائرنگ سے بہن قتل‘ خاوند بھی زخمی‘ حملہ آور فرار ہوگئے۔ سماعیلہ شریف کی شائستہ نورین نے عبدالمالک سے پسند کی شادی کی تھی وہ بیان دینے کیلئے کھاریاں عدالت آئی ہوئی تھی۔ عدالت سے باہر نکلتے وقت مقتولہ کے بھائیوں صابر، عاصم اور انکے کزنوں نے مقتولہ کو ساتھ لے جانا چاہا تاہم لڑکی کے انکار پر فائرنگ کردی جس کے نتیجے میں شائستہ ہلاک ہوگئی جبکہ عبدالمالک کی ٹانگ میں گولی لگی۔ نعش پوسٹ مارٹم کیلئے سول ہسپتال کھاریاں رکھ دی گئی۔