فیروزوالہ، جھنگ، ڈسکہ : اوباشوں کی دو خواتین اور 8 سالہ بچی سے زیادتی
فیروزوالہ، جھنگ، ڈسکہ (نامہ نگاران)مختلف واقعات میں اوباشوں نے دو خواتین اور 8 سالہ بچی کو زیادتی کا نشانہ بنا ڈالا۔ جھنگ کے موضع چیلہ کی خاتون (آ۔ ب) کو علی رضا وغیرہ پانچ افراد نے مبینہ طور پر اغوا کے بعد خاتون کو زیادتی کا نشانہ بنایا جبکہ ڈسکہ میں موضع چک گلاں کی رخسار بی بی گھر میں اکیلی تھی کہ ملزم شہباز نے زبردستی گھس کر اسے زیادتی کا نشانہ بنا ڈالا۔ علاوہ ازیں جی ٹی روڈ کی آبادی شامکے (فیروزوالہ) میں اوباش ہمسائے فاروق نے برف لینے گھر آئی 8 سالہ (ص) کے ساتھ زیادتی کی اور فرار ہوگیا۔ پولیس نے مقدمات درج کرلئے ہیں۔
