لندن(صباح نیوز)پاکستانی نژاد برطانوی باکسر عامر خان پر نامعلوم افراد نے حملہ کر دیا۔ حملے میں عامر خان محفوظ رہے۔ پاکستانی نژار برطانوی باکسر عامر خان برطانیہ کے علاقے بولٹن میں اپنے رہائشی ٹاور پر موجود تھے کہ نامعلوم کار سواروں نے ان پر حملہ کر دیا اور گھونسا مار کر فرار ہوگئے۔ واقعے میں عامر خان کو کسی قسم کی چوٹ نہیں آئی۔ پولیس نے رپورٹ درج کر کے تحقیقات کا آغاز کر دیا ہے۔ سی سی ٹی وی کیمروں کی مدد سے ملزمان کی شناخت کا عمل جاری ہے تاہم اب تک کوئی گرفتاری عمل میں نہیں آسکی۔

عامر خان