مردان+ تخت بھائی (آن لائن+ نامہ نگار) مردان میں مسافر کوچ سڑک کنارے کھڑے خراب ٹرک سے ٹکرا گئی جس سے مسافر کوچ کے ڈرائیور سمیت 5 افراد جاں بحق اور 16 افراد زخمی ہو گئے۔تفصیلات کے مطابق راولپنڈی سے باجوڑ جانے والی مسافر کوچ ملاکنڈ رنگ روڈ کے قریب پہنچی تو سڑک پر کھڑے خراب ٹرک سے ٹکرا گئی جس سے ڈرائیور سمیت 5 مسافر جاں بحق جب 16 افراد زخمی ہو گئے ۔ہسپتال ذرائع کا کہنا تھا 11 زخمیوں کی حالت نازک ہے ۔ جاں بحق اور زخمیوں کو ریسکیو 1122 کی ٹیموں نے مردان میڈیکل ہسپتال منتقل کر دیا ۔ جاں بحق اور زخمی ہونے والے افراد کا تعلق با جوڑ اور دیر سے ہے ۔ جاں بحق اور زخمی افراد عید کی چھٹیوں پر گھر جا رہے تھے۔