کراچی (آئی این پی )کراچی کے علاقے لیاری چاکیواڑہ میں پولیس مقابلے کے دوران گینگ وار کے تین کارندے مارے گئے۔ملزمان کا تعلق بابا لاڈلہ گروپ سے تھا جن کے قبضے سے اسلحہ بھی برآمد ہوا۔ دو ساتھی فرار ہو گئے۔پولیس ذرائع کا کہنا ہے کہ گینگ وار ملزمان نے اہلکاروں کو دیکھتے ہی فائرنگ کر دی اور جوابی فائرنگ سے تین کارندے مارے گئے جن کی شناخت گل حسن عرف لال سائیں، شہزاد عرف شکر اور انس کے ناموں سے ہوئی ہے جواغوا برائے تاوان،بھتہ خوری سمیت سنگین واردتوں میں ملوث تھے۔