علی پور چٹھہ، قلعہ دیدار سنگھ (نامہ نگاران) دو نوجوان ٹریفک حادثے میں جاں بحق ہوگئے۔ گوجرانوالہ سے واپسی پر ان کے موٹرسائیکل کا سامنے سے آنے والے موٹربائیک سے تصادم میں دوسرے افراد کی ٹانگ بازو ٹوٹ گئے۔ علی پور چٹھہ کے نوجوان 26 سالہ ارسلان احمد اور 25 سالہ فائق ملک گزشتہ رات افطار کے لیے مریدکے گئے اور گذشتہ روز صبح موٹرسائیکل پر واپس آرہے تھے کی سادے چک سیم نالے کے قریب سامنے سے آنے والے موٹرسائیکل سے تصادم ہو گیا جس سے دونوں نوجوان موقع پر جاں بحق ہوگئے۔ دوسرے موٹرسائیکل پے سوار دو افراد کی ٹانگیں بازو ٹوٹ گئے جن کو گوجرانوالہ ہسپتال منتقل کر دیا گیا۔یہاں ایک افسوس ناک پہلو یہ ہے کہ دونوں نوجوان غیرشادی شدہ تھے اور فائق والدین کا اکلوتا بیٹا تھا۔ مرحومین کو مقامی قبرستان میں ہزاروں سوگواروں کی موجودگی میں سپردخاک کردیا گیا۔ نوجوانوں کی موت پے ہر آنکھ اشکبار تھی علاقے میں کہرام مچ گیا۔