اوکاڑہ (نامہ نگار) رینالہ بائی پاس کے قریب تیز رفتار آئل ٹینکر الٹنے سے ہزاروں لیٹر فرنس آئل سڑک کنارے بہہ گیا، مقامی دیہاتوں کے سینکڑوں لوگ سڑک پر گرنے والے آئل کو مختلف برتنوں میں بھر کر گھروں میں لے گئے۔ مقامی پولیس نے موقع پر پہنچ کر لوگوں کو متاثرہ مقام سے دور کر دیا۔ کراچی سے فرنس آئل سے بھرا ایک آئل ٹینکر لاہور جا رہا تھا جب وہ رینالہ بائی پاس کے قریب پہنچا تو ٹینکر ڈرائیور کو نیند آنے سے فرنس آئل سے بھرا ٹینکر الٹ گیا، اس میں موجود ہزاروں لیٹر فرنس آئل سڑک کنارے بہہ گیا۔ ریسیکوٹیم تاخیر سے پہنچی اس دوران قریبی دیہاتوں کے سینکڑوں افراد مختلف برتن اٹھاتے موقع پر پہنچ گئے، نیچے گرے فرنس آئل کو برتنوں ڈرموں میں بھر کر لے گئے۔