لندن (عارف چودھری ) برطانیہ کے علاقے نیو کاسل میں تین بچوں سمیت 6 افراد اس وقت زخمی ہوئے جب ایک گاڑی سپورٹس کمپلیکس کے باہر ان پر چڑھ گئی۔ یہ واقعہ اس وقت پیش آیا جب لوگ عید منا رہے تھے تاہم پولیس کا کہنا ہے یہ دہشت گردی کا واقعہ نہیں ہے۔ پولیس کا کہنا ہے کہ گاڑی لوگوں پر چڑھانے والی ایک 42 سالہ خاتون کو حراست میں لیکر مقدمہ درج کر لیا گیا۔ نیو کاسل کے سپورٹس سینٹر کے باہر سینکڑوں افراد عید منا رہے تھے جب یہ واقعہ پیش آیا۔ ایک عینی شاہد نے بتایا جہاں تک مجھے لگتا ہے کہ یہ خاتون جو نماز پڑھ کر باہر نکلی وہ جانے لگی تو انکی گاڑی انکے قابو میں نہیں رہی۔ اس نے مزید کہا کہ جب گاڑی رکاوٹ عبور کر کے لوگوں پر چڑھی ہے تو ہر طرف افراتفری تھی، ہر ایک چیخیں مار رہا تھا۔ ایمبولینس سروس کی ترجمان کا کہنا ہے کہ 6 افراد کو ہسپتال منتقل کیا گیا۔ نیو کاسل سے منتخب ممبر پارلیمنٹ نے ٹویٹ میں کہا بہت افسوس ہوا۔ میں انکی خوشیوں میں کچھ دیر قبل شریک تھی اور وہاں ہر کوئی بہت خوش تھا۔ مسلمانوں کیخلاف تعصب کے نتیجہ میں ہونے والی کارروائیوں کا سلسلہ جاری ہے۔
گاڑی چڑھا دی