گوجرہ (نا مہ نگار) موٹرسائیکل رکشہ کو تیز رفتار اے سی کوچ نے ٹکر مار دی جس سے رکشہ سوار مسیحی میاں بیوی اور ڈرائیور ہلاک ہو گئے۔ تفصیلات کے مطا بق نواحی چک نمبر362ج ب کا پر ویز مسیح اپنی بیوی شہناز بی بی چک نمبر88ج ب کے موٹر سائیکل رکشہ ڈرائیورجلیل کے ساتھ رکشے پر واپس گائوں آرہا تھا پینسرہ روڈکے چک نمبر277ج ب کے قریب فیصل آباد جانیوالی تیز رفتار اے سی کوچ نمبر1829ایف ڈی این نے ٹکرمار دی جس کے نتیجہ میں پرویزمسیح اورجلیل احمد موقع پر دم توڑ گئے جبکہ شہناز بی بی کومخدوش حالت میںالائیڈ ہسپتال فیصل آباد ریفر کیاگیا جہاں وہ جانبر نہ ہو سکی۔ کوچ ڈرائیور موقع سے فرارہو گیا۔ تھانہ نواں لاہور پولیس نے نعشیں کارروائی کے بعد ورثاء کے حوالے کر دیں اور ڈرائیورکی تلا ش شروع کر دی۔