ڈھاکہ ( سپورٹس ڈیسک) بنگلہ دیشی کرکٹر عبدالرزاق اہل خانہ سمیت کار حادثے میں شدید زخمی ہو گئے ہیں۔ عبدالرزاق اپنے اہل خانہ کے ہمراہ عیدالفطر کی چھٹیاں منانے کے بعد کھلنا سے دارالحکومت ڈھاکہ واپس آ رہے تھے کہ ضلع گوپال گنج کے علاقے کاشیانی میں ڈھاکا کھلنا ہائی وے پر ان کی گاڑی کا ٹائر پھٹ گیا جس کے باعث گاڑی کھائی میں جا گری۔ حادثے کے بعد عبدالرزاق اور ان کے اہل خانہ کو شدید چوٹیں آئیں اور زخمیوں کو طبی امداد کے لئے ہسپتال منتقل کر دیا گیا۔