لاہور (سپورٹس رپورٹر+ نمائندہ سپورٹس) ورلڈ ہاکی لیگ میں بد ترین کارکردگی دکھانے والی قومی ہاکی ٹیم وطن واپس پہنچی پاکستان نے ایونٹ میں ساتویں پوزیشن حاصل کیں تھیں جس کے باعث وہ براہ راست ورلڈ کپ کے لئے کوالیفائی نہ کرسکی تھی۔ تفصیلات کے مطابق ورلڈ ہاکی لیگ ٹائٹل میں شرکت کے بعد پاکستان ہاکی ٹیم کے کھلاڑی وطن واپس پہنچے تولاہور ایئرپورٹ وہ میڈیا سے بات چیت کئے بغیر ایک ایک کر کے اپنے گھروں کی جانب روانہ ہوگئے۔ پاکستان نے ایونٹ میں بدترین کارکردگی کا مظاہرہ کرتے ہوئے ساتویں پوزیشن حاصل کی تھی جس کے باعث وہ ہاکی ورلڈ کپ کے لئے براہ راست کوالیفائی سے محروم رہی۔ ایونٹ میں پاکستان کو لیگ میچوں میں بھارت، کینیڈا اور ہالینڈ کےخلاف شکستوں کا سامنا کرنا پڑا جبکہ سکاٹ لینڈ سے فتح کے باعث گرین شرٹس نے کوارٹر فائنل کیلئے کوالیفائی کیا تھا۔ کوارٹر فائنل میں عالمی چیمپئن ارجنٹائن سے شکست کے بعد پانچویں پوزیشن کے میچ میں بھارت کے خلاف بھی جیت مقدر نہ بن سکی۔