کراچی (کرائم رپورٹر) کراچی کے مختلف علاقوں میں فائرنگ اور تشدد کے واقعات میں 2 افراد ہلاک اور 2 زخمی ہو گئے۔ کورنگی نمبر 4 میں مسلح ملزمان نے لوٹ مار کے دوران مزاحمت پر 45 سالہ امین احمد ولد مرتضیٰ کو فائرنگ کر کے ہلاک کر دیا جبکہ اورنگی ٹائون کے علاقے مائی گاڑھی میں ایک شخص کی لاش ملی جسے تشدد کر کے ہلاک کیا گیا تھا۔ پولیس کے مطابق مقتول کی عمر تقریباً 40 سال تھی جس کی فوری طور پر شناخت نہیں ہو سکی ہے۔ خواجہ اجمیر نگری تھانے کی حدود نارتھ کراچی پاور ہائوس چورنگی کے قریب نامعلوم موٹر سائیکل ملزمان کی فائرنگ سے سینئر صحافی اور نجی ٹی وی چینل کے اسپورٹس رپورٹر جاوید اقبال زخمی ہوگئے۔