ممبئی (شوبز ڈیسک) بھارتی اداکارہ ماہیما چوہدری کے کزن اور بھابی کار حادثے میں ہلاک ہوگئے ہیں۔ بالی ووڈ اداکارہ ماہیما چوہدری کے کزن سوریا پرتاپ سنگھ اور ان کی اہلیہ آنچل اپنے چچا اشوک کمار کے ہمراہ تقریب سے واپس آرہے تھے کہ تیز رفتار ٹرک نے گاڑی کو ٹکر مار دی جس سے سوریا پرتاپ سنگھ موقع پر جبکہ آنچل ہسپتال میں دم توڑ گئیں۔،ٹرک ڈرائیور موقع سے فرار ہونے میں کامیاب ہو گیا ہے ،پولیس نے نامعلوم ٹرک ڈرائیور کے خلاف مقدمہ درج کر لیا ہے۔بتایا جا رہا ہے کہ اشوک کمار کو تشویش ناک حالت میں گنگا رام ہسپتال دہلی منتقل کر دیا گیا ہے جہاں ان کی حالت بھی خطرے میں بتائی جا رہی ہے۔اداکارہ ماہیما چوہدری آخری رسومات میں شرکت کے لئے روانہ ہو گئی ہیں۔