لیسکو چیف کی عید ملن تقریب میں ماتحت افسروں سے بات چیت
لاہور(کامرس رپورٹر)لاہور الیکٹرک سپلائی کمپنی (لیسکو)چیف ایگزیکٹو سید واجد علی کاظمی نے تمام سپرٹینڈنٹ انجنئیرز اور ایکسئنز سے ملاقات میں رمضان المبارک اور مون سون کے دوران بجلی کی سپلائی اور بعض مقامات پر آنے والے عارضی اور اس حوالے سے لیسکو کے عملے کی کارکردگی کے بارے میں تبادلہ خیال کیا۔ چیف ایگزیکٹو لیسکو نے گزشتہ روز عید ملن کی رسمی تقریب کے دوران آپریشنز کے افسران کے ساتھ عید الفطر کے دوران بجلی کی فراہمی اور مون سون میں لیسکو کی کارکردگی کے جائزہ اجلاس کی صدارت کی۔ اجلاس کے دوران تمام ایس ایز اور ایکسئنز نے چیف ایگزیکٹو کو اپنے اپنے سرکل کی کارکردگی کے بارے میں آگاہ کیا۔
