لاہور (نمائندہ سپورٹس+ سپورٹس رپورٹر) شاہد آفریدی انٹرنیشنل کرکٹ سے بھلے ہی ریٹائرڈ ہوگئے ہوں لیکن مداحوں کے دلوں میں لالا کی محبت کم نہیں ہوئی۔ سوشل میڈیا پر آفریدی کے چاہنے والوں کی تعداد آج بھی دیگر کھلاڑیوں کی نسبت زیادہ ہے اور مداح یہ جاننا پسند کر تے ہیں کہ ریٹائرمنٹ کے بعد ان کے پسندیدہ بوم بوم کی سرگرمیاں کیا ہیں۔شاہد آفریدی ان دنوں فیملی کے ساتھ دبئی میں ہیں جہاں وہ بھرپور طریقے سے لطف اندوز ہو رہے ہیں۔ انہوں نے سوشل میڈیا پرفیملی کے ساتھ تصاویر شیئر کی ہیں جن میں ان کی بیٹیاں کھیلوں او جھولوں میں مصروف ہیں ۔ لالا خود بھی ان کے ساتھ کھیل رہے ہیں ۔