لاہور (نمائندہ سپورٹس +سپورٹس رپورٹر) قومی کرکٹر فخر زمان نے اس عزم کا اظہار کیا ہے کہ وہ مستقبل میں بھی اپنی بہترین کارکردگی کی بدولت پاکستانی ٹیم کو جیت کی راہ پر گامزن رکھنے میں اپنا اہم کردار نبھاتے رہیں گے اور انہیں سدا اس بات پر فخر رہے گا کہ انہوں نے ایک گلوبل ایونٹ جیتنے میں اپنا حصہ ڈالا۔ وہ سابق پاکستانی بیٹسمین سعید انور کے بیٹنگ سٹائل سے بہت زیادہ متاثر ہیں لیکن ان کی کوشش ہوتی ہے کہ میدان میں پہنچ کر اپنے قدرتی انداز سے بیٹنگ کریں۔ وہ چیمپئنز ٹرافی میں جس انداز سے کھیلے وہ ان کا فطری انداز نہیں لیکن وہ وقت اور حالات کے پیش نظر خود کو ایڈجسٹ کرنے میں کامیاب رہے۔ بھارت کیخلاف فائنل میں اننگز کے آغاز میں ہی وکٹ گنوانے پر انہیں بہت زیادہ مایوسی کا سامنا کرنا پڑا تھا لیکن جب امپائر نے انہیں رکنے کا اشارہ کیاتو دوبارہ کھیلنے کا موقع ملا اور سنچری بنا دی۔بیٹنگ جاری رکھنے کا موقع مل گیا تو اس سنہری موقع کا بھرپور فائدہ اٹھائیں گے اور جسپریت بمرا کی نوبال نے انہیں یہ چانس دے دیا۔