لاہور (نمائندہ سپورٹس+ سپورٹس رپورٹر) چیمپئنز ٹرافی کی فتح سے پاکستان کرکٹ کوچز کو لائف لائن مل گئی ذرائع کے مطابق پاکستانی ٹیم کے ساتھ کام کرنے والے تمام غیر ملکی کوچز اپنے عہدوں پر برقراررہیں گے اورفوری طور پر کسی کوچ کو تبدیل کرنے کی کوئی تجویز زیر غور نہیں ہے۔پی سی بی چیئرمین شہریار خان کا کہنا ہے کہ آئی سی سی چیمپئنز ٹرافی میں بھارت کے ہاتھوں پہلی شکست کے بعد مکی آرتھرپر تنقید کی گئی تھی تاہم ہم نے اس پراعتماد برقرار رکھا، نتیجہ سب کے سامنے ہے ¾ہم نے صرف اچھے اور ماہر افراد کی تعیناتی کی ہوئی ہے۔ انہوں نے کہا کہ چیمپئنز ٹرافی میں کامیابی سے ہماری ہر سطح کی کرکٹ کو فائدہ ہو گا۔ ہم نے دنیا کی بہترین ٹیموں کو شکست دی ہے اب ہماری جونیئر ٹیموں میں بھی اعتماد آئیگا۔ ہماری فرسٹ کلاس کرکٹ کا معیار بھی بلند ہو گا۔ شہریار خان نے کہا کہ بگ تھری کا خاتمہ دنیا بھر کی کرکٹ کےلئے خوش آئند ہے ¾بگ تھری کے خاتمے سے پاکستان کو بھی فائدہ ہو گا۔ بھارت کو نئے ماڈل میں کچھ مالی فائدہ بھی دیا گیا ہے ¾سری لنکا کو اپنی اہمیت کم ہونیکا اندیشہ تھا وہ بھی ختم ہو گیا ہے۔