ستراہ: پتنگ بازی پر 8 سالہ بچے کی گرفتاری ‘ رہائی پولیس نے مقدمہ باپ پر درج کر لیا، قصور: 21 گرفتار
قصور/ ستراہ (نمائندہ نوائے وقت+ نامہ نگار) پتنگ بازوں کے خلاف کریک ڈائون کے دوران 22 ملزم گرفتار، پولیس نے پتنگیں اور ڈوریں برآمد کر کے مقدمات درج کر لئے ہیں۔ ستراہ میں ملزم کی بجائے باپ پر مقدمہ درج کر لیا گیا۔ ستراہ سے نامہ نگار کے مطابق سوہاوہ سٹاپ پر پتنگ بازی کرتے ہوئے آٹھ سالہ بچے کو گرفتار کیا۔ بیٹے کی گرفتاری کی خبر سن کر باپ تھانہ سٹی میں پہنچا تو پولیس والوں نے بیٹے کو چھوڑ کر باپ محمد اشفاق پر پتنگ بازی کا مقدمہ درج کر دیا۔ قصور سے نمائندہ نوائے وقت کے مطابق پولیس نے ضلع بھر میں پتنگ بازوں کے خلاف کریک ڈائون کر کے قصور، کھڈیاں، مصطفی آباد،کوٹرادھاکشن ،چونیاں اور پتوکی میں 21 ملزمان کو گرفتار کر کے سینکڑوں کی تعداد میں پتنگیں اور ڈوریں برآمد کر کے مقدمات درج کرلیے ہیں۔
