ہری پور (اے پی پی) سنٹرل جیل ہری پور کے قیدیوں نے میٹرک کے نتائج میں شاندار کارکردگی کا مظاہرہ کرتے ہوئے نویں اور دسویں کے امتحانات میں خواتین قیدیوں سمیت 104 اسیران نے اعلیٰ نمبروں سے کامیابی حاصل کی ہے۔ بورڈ آف انٹرمیڈیٹ اینڈ سیکنڈری ایجوکیشن ایبٹ آباد کے تحت ہونے والے نویں اور دسویں کے سالانہ امتحانات میں خاتون اسیر فاطمہ بی بی نے نویں جماعت کے امتحان میں 550 میں سے 403نمبر حاصل کر کے اے+ گریڈ حاصل کیا۔ نفاست بی بی نے بھی دسویں جماعت کے امتحان میں 1100 میں سے 760نمبر حاصل کر کے اے+گریڈ حاصل کیا۔