لاہور(نمائندہ سپورٹس )پاکستان ایتھلیٹکس ٹیم کو بھارت کے ویزے مل گئے، 6 رکنی قومی ٹیم پیر کو ایشین چیمپئن شپ میں شرکت کیلئے بھارت روانہ ہوگی، ایک کھلاڑی اور ا?فیشل کو ویزہ جاری نہیں ہوا۔ایشین ایتھلیٹکس چیمپئن شپ بھارت کے شہر بھونیشور میں شروع ہوگی جس کیلئے پاکستانی کھلاڑیوں اور آفیشلز کو بھارت کے ویزے جاری کردیئے گئے ہیں۔پاکستان ایتھلیٹکس فیڈریشن کے صدر جنرل ریٹائرڈ اکرم ساہی نے بتایا کہ پاکستان کی چھ رکنی ٹیم چار سو میٹر ریس میں حصہ لے گی، چار سو میٹر رکاوٹوں والی دوڑ اور ریلے میں بھی پاکستان ٹیم حصہ لے گی۔اسلامک گیمز میں اسی ٹیم نے چاندی کا تمغہ حاصل کیا تھا، پاکستان کی چھ رکنی ٹیم میں نوکر حسین، محبوب علی، مظہر علی، وقار یونس، اسد اقبال اور ندیم ارشد شامل ہیں۔نشاط علی کو ویزہ جاری نہیں ہوا ان کی جگہ وقار یونس کو ٹیم میں شامل کیا گیا ہے۔