بھکر(نامہ نگار) مسافر بس کی موٹرسائیکل کوٹکر ایک ہی گھر کے تین افراد جاں بحق المناک سانحہ پر علاقہ کی ہر آنکھ اشکبار ۔ایک ہی مکان کی چھت تلے تین جنازے اٹھنے پر رقت آمیز مناظر۔ مشتعل مظاہرین کی طرف سے بس کو جلانے کی کوشش تھانہ بہل پولیس نے بس کو تحویل میں لے لیا۔گزشتہ روبھکر سے کوٹ ادو جانے والی مسافر بس نوتک اڈا کے قریب گدھا ر ریڑھی کو بچاتے موٹر سائیکل کے ساتھ جا ٹکرائی موٹر سائیکل پر سوار 35 سالہ لطیف اللہ اس کا 5 سالہ بھتیجا نہج عباس،9 سالہ بھتیجی تسکین زہرا موقع پر ہی جان کی بازی ہار گئے۔ بچوں کے چچا سمیت جاں بحق ہونے کی خبر علاقة میں پھیل گئی سینکڑوں کی تعداد میں لوگ اکھٹے ہوگئے ۔ مشتعل مظاہرین نے بس کو جلانے کی کوشش کی تو پولیس نے بس کو اپنی تحویل میں لے لیا۔