ساہیوال کول پاور پلانٹ کے قریب 5 دیہات میں سرچ آپریشن، بائیو میٹرک سے تصدیق
کمیر (نامہ نگار) ساہیوال کول پاور پلانٹ کے ارد گرد پانچ دیہاتوں میں پولیس نے رات کے وقت سراغ رساں کتوں اور سوِل ڈیفس کے عملہ نے خفیہ اداروں کے جوانوں کے ہمراہ سرچ آپریشن کے دوران دو درجن سے زائد افراد سے پوچھ گچھ کی، بائیو میٹرک مشینوں سے انگوٹھوں کے نشانات چیک کیے اور تسلی ہونے پر انھیں واپس گھروں کو جانے کی اجازت دے دی۔ اس سے قبل کول پاور پلانٹ پر جن سرکاری ملازمین کی ڈیوٹیاں لگائی گئی تھی ان کی ریہرسل 3 گھنٹے تک جاری رہی۔ اس موقع پر انھیں بریفنگ بھی دی گئی۔ وزیراعلیٰ اپنی کابینہ کے ارکان کے ہمراہ ساہیوال کول پاور پلانٹ کے افتتاح سے دو گھنٹے قبل پہنچیں گے۔ کول پاور پلانٹ کے اندر پانچ ہیلی پیڈ بنائے گئے ہیں۔ افتتاح کی تقریب 4 بجے شروع ہوگی۔
