کراچی: اورنگی ٹائون کے قبرستان میں دھماکہ خیز مواد نکالتے ہوئے ایک شخص زخمی، 2 ساتھی بھی گرفتار
کراچی (نوائے وقت رپورٹ) کراچی کے علاقے اورنگی ٹائون کے قبرستان میں دھماکہ خیز مواد پھٹنے سے ایک شخص زخمی ہو گیا۔ پولیس کے مطابق قبرستان سے ایک اور بال بم کو برآمد کر کے ناکارہ بنا دیا گیا ہے۔ دھماکے میں زخمی سمیت دو افراد کو حراست میں لے لیا گیا ہے۔ دونوں ملزم قبرستان میں چھپایا گیا دھماکہ خیز مواد نکال رہے تھے کہ اس دوران دھماکہ ہو گیا۔۔ پی ڈی ایس کے مطابق قبرستان میں پھٹنے والا بم دیسی ساختہ تھا۔ بم کا وزن 300 سے 400 گرام ہے۔ دونوں بم دو ماہ قبل قبرستان میں دبائے گئے تھے۔
