لاہور (نامہ نگار) صوبائی دارالحکومت کے مختلف علاقوں میں 3 مقامات پر آتشزدگی کے باعث لاکھوں روپے مالیت کا سامان جل کرتباہ ہو گیا ہے۔ شیرا کوٹ کے علاقے میں ابوبکرکے گھر میں جبکہ غازی آباد کے علاقے میں شکیل کے گھر میں شارٹ سرکٹ کے باعث آگ لگنے سے لاکھوں روپے مالیت کا سامان جل کر تباہ ہو گیا ۔ دریں اثناء شاہدرہ کے علاقے میں عمر کے گھر میں یو پی ایس میں آگ لگنے سے ہزاروں مالیت کا سامان جل گیا ۔اطلاع ملنے پر امدادی ٹیموں نے موقع پرپہنچ کر آگ پر قابو پالیاہے ۔