اتوار کو پتنگ بازی جاری رہی، کریک ڈائون میں25گرفتار، ڈور، پتنگیں برآمد
لاہور (نامہ نگار)پولیس نے پتنگ بازوں کے خلاف کریک ڈاؤن کر تے ہوئے 25 ملزمان کو گرفتارکر کے بڑی تعداد میں پتنگیں، ڈوراور چرخیاں برآمدکر لی ہے ۔ سی سی پی او لاہور کیپٹن (ر)محمد امین وینس نے تمام ڈویژنل ایس پیز کو خصوصی پولیس ٹیمیں تشکیل دے کر شہر میں پتنگ بازی کے خلاف سخت ایکشن لینے کا حکم دیا تھا ۔سی سی پی او لاہور کیپٹن (ر)محمد امین وینس نے کہاکہ شہر میں کسی کو بھی اس جان لیوا کھیل کھیلنے کے اجازت نہیں دے سکتے۔دریں اثناء صوبائی دارالحکومت کے مختلف علاقوں میں گزشتہ روز پتنگ بازی کا سلسلہ جاری رہا جبکہ پولیس پتنگ بازوں کو روکنے میں مکمل ناکام رہی ۔ بعض مقامات پر پولیس پتنگ بازوں سے دیہاڑیوں بھی لگاتی رہی ۔
