لندن(سپورٹس ڈیسک) ومبلڈن اوپن کے افتتاحی روز دفاعی چیمپئن اینڈی مرے نے قازقستان کے الیگزنڈر بوبلک کےخلاف کامیابی حاصل کرلی۔ عالمی نمبر ون نے پہلے سیٹ میں چھ ایک سے فتح سمیٹی۔ دوسرے سیٹ میں قازقی ٹینس سٹار خاطر خواہ کھیل پیش نہ کر سکے۔ مرے نے چھ چار سے کامیابی حاصل کی۔ تیسرے سیٹ میں الیگزنڈر بوبلک بے بس نظر آئے اور چھ دو سے ناکامی کا سامنا ہوا۔ عالمی نمبر ایک اینڈی مرے نے ومبلڈن اوپن میں آسان فتح کے بعد دوسرے راو¿نڈ میں جگہ بنا لی۔سپین کے رافیل نڈال نے جے مل مین کو یکطرفہ مقابلے کے بعد چھ ایک ‘چھ تین اور چھ دو سے شکست دیدی ۔ ایم سیلک نے کول شرائیبر کو چھ چار ‘چھ دو اور چھ تین سے زیر کیا ۔ اینڈریا سیپی نے این گومبوس کو چھ دو ‘تین چھ ‘چھ دو اور چھ ایک سے ہرایا ۔ جاپان کے کے نیشیکوری نے سیچی ناٹو کو چھ د و ‘چھ دو او ر چھ صفر سے قابو کیا ۔ فرانس کے جوالفرائیڈسونگا نے نورمی کیخلاف چھ تین ‘چھ دو اور چھ دو سے کامیابی حاصل کی ۔ ثام قیوری نے فابیانو کو سات پانچ ‘سات پانچ اور چھ دو سے ہرایا ۔