فرانس: ٹولوس میںمسلح شخص کی فائرنگ ایک شخص ہلاک، 6زخمی،حملہ آور فرار
ٹولوس(اے این این)فرانس کے جنوبی شہر ٹولوس میں مسلح شخص نے فائرنگ کر دی جس کے نتیجے میں ایک شخص ہلاک جبکہ 6افراد زخمی ہوگئے۔خبرایجنسی کے مطابق واقعے کے زخمیوں کو فوری طور پر ہسپتال منتقل کیا گیا جہاں 2 زخمیوں کی حالت تشویشناک ہے۔ فائرنگ موٹرسائیکل پر سوار ایک مسلح شخص نے کی جو فائرنگ کرنے کے بعد فرار ہوگیا، پولیس ملزم کو تلاش کر رہی ہے۔ادھر فرانسیسی حکام کا کہنا ہے کہ واقعے کا دہشت گردی سے تعلق کا فوری طور پر اشارہ نہیں ملا،تاہم دہشت گردی کے امکانات کو مسترد نہیں کیا جاسکتا ہے۔خبرایجنسی کے مطابق واقعے کے بعد علاقے میں پولیس کی اضافی نفری تعینات کر دی گئی ہے۔
