انٹر ریجن ٹورنا منٹ میں پوزیشن ہولڈرز پٹرولنگ پولیس کے ملازمین میں اسناد تقسیم
لاہور (نامہ نگار)ایس پی ہیڈکوارٹرز عمران کشور نے انٹر ریجن ٹورنامنٹ میں نمایاں پوزیشن حاصل کرنےوالے پٹرولنگ پولیس کے ملازمین کو اسناد تقسیم کیں۔ایڈیشنل آئی جی پٹرولنگ امجد جاوید سلیمی کی ہدایت پر تقریب میں اے ڈی آئی جی ڈی ایس پی حمیدہ نوید بھی موجود تھیں۔ محمد عمران نے باکسنگ سپر ہیوی ویٹ میں اول اور ہیوی ویٹ میں دوئم، پنجہ آزمائی میں مدثر حسین نے اول، بیڈمنٹن میں طاہر شاہ اور محمد عثمان، محمد تنویر، احمدرضا خان اور خالد محمود اول، شوٹنگ والی بال میں محمد اسحاق، اشفاق احمد، اطہر محمود، بابر اقبال، اظہر حسین، ندیم اختر، ذیشان، بابر، افتخار علی، محمد شاہد، آصف سلیم اور غلام علی نے اول، کبڈی میں دوئم جبکہ تائیکوانڈو میں دوئم پوزیشن حاصل کی۔ سب انسپکٹر زین العابدین انچارج سلیکشن کمیٹی سپورٹس بھی موجود تھے۔
