لاہور(نمائندہ سپورٹس+سپورٹس رپورٹر) آئی سی سی ویمنز ورلڈ کپ میں قومی ٹیم آسٹریلیا کےخلاف آج مدمقابل ہوگی۔ میچ گراس روڈ لیسٹر میں پاکستانی وقت کے مطابق اڑھائی بجے کھیلا جائے گا۔ خواتین کرکٹ ورلڈ کپ کے دلچسپ مقابلے انگلینڈ میں جاری ہیں۔ میگا ایونٹ میںقومی وویمنزٹیم آسٹریلیا کےخلاف کل(بدھ کو) مد مقابل ہوگی ۔یہ میچ گراس روڈلیسٹر میں پاکستانی وقت کے مطابق اڑھائی بجے کھیلا جائے گا۔ قومی وویمنزٹیم اپنا پانچواں 8 جولائی کو نیوزی لینڈ، چھٹا 11 جولائی کو ویسٹ انڈیز جبکہ ساتواں اور آخری میچ 15 جولائی کو سری لنکا کے خلاف کھیلے گی۔ ٹورنامنٹ کا پہلا سیمی فائنل 18 جولائی، دوسرا 20 جولائی جبکہ فائنل 23 جولائی کو کھیلا جائے گا۔ واضح رہے کہ قومی ٹیم کو اپنے تیسرے میچ میں بھی بھارت کے ہاتھوں شرمناک شکست کا سامنا رہا ہے۔