لاہور (نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے ڈیفنس کے رہائشی عمر سلیم کے گھرگھس کر اہلخانہ کو گن پوائنٹ پر یرغمال بنا کر6لاکھ روپے مالیت کی نقدی، طلائی زیورات، موبائل فون،جوہرٹاؤن میں اعجاز کی فیملی سے 4لاکھ روپے مالیت کی نقدی، طلائی زیورات اورموبائل فون، مسلم ٹائون میں ولید سے 86 ہزار روپے اور موبائل فون، ساندہ میں جمیل سے 75ہزار روپے اور موبائل فون، سبزہ زار میں وقاص سے 65 ہزار روپے اور موبائل فون، نواں کوٹ میں نعمان بٹ سے56 ہزار روپے اور موبائل فون، نواب ٹائون میں واصف سے 48 ہزار روپے اور موبائل فون، مصطفی آباد میں امیر سے42 ہزار روپے اور موبائل فون، نشتر کالونی میں عثمان سے 38ہزار روپے اور موبائل فون، فیکٹری ایریا میں امانت سے 35ہزار روپے اور موبائل فون، کاہنہ میں صنم میں سے 0 3ہزار روپے اور موبائل فون لوٹ لیا ہے ۔چوروں نے شالیمار سے شہباز، ٹائون شپ سے وقاص، غازی آباد سے حسنین کی گاڑیاں جبکہ اسلام پورہ میں سے عمران،شاہدرہ میں حسن، لوئرمال میں نعمان، نیو انارکلی میں سہیل ،سندر میں مجید، ساندہ میں ریحان، نواں کوٹ میں طارق، مغلپو رہ میں امانت، پرانی انارکلی سے وحید کی موٹرسائیکل چوری کر لی ہیں۔