لاہور (خصوصی نامہ نگار) تحریک انصاف کے رہنما عمر خیام نے کہا کہ عمران خان ٹیلنٹ ہنٹ پروگرام کا دوسرا سیزن 23 جولائی کو سرگودھا سے شروع ہوگا اس سلسلے میں 30 جولائی کو سیالکوٹ 6 اگست کو پشاور اور 12 اگست کو فیصل آباد میں کیمپس لگائے جائیں گے۔جس میں نوجوان کھلاڑیوں کی کثیر تعداد شرکت کرے گی۔ اس پروگرام کا فائنل 20 اگست کو اسلام آباد میں ہوگا جس کے مہمان خصوصی چیئرمین عمران خان ہونگے۔ اس ٹیلنٹ ہنٹ پروگرام میں منتخب ہونے والے کھلاڑیوں کو مزید تربیت کیلئے پی سی بی کے حوالے کیا جائیگا جو کہ مستقبل میں ملک کا نام روشن کریں گے مذکورہ فائنل کے موقع پر عمران خان پارٹی کے سرگرم اور دیرینہ کارکنوں کو اعزازی شیلڈز دیں گے۔