لاہور (سپورٹس رپورٹر+ نمائندہ سپورٹس) پنجاب لان ٹینس ایسوسی ایشن کے زیراہتمام جونیئر ٹینس کیمپ آج بروز منگل شام پانچ بجے شروع ہوگا۔ افتتاحی تقریب کے مہمان خصوصی صوبائی وزیر کھیل جہانگےر خانزادہ ہوں گے۔ تفصیلات کے مطابق پنجاب لان ٹینس ایسوسی ایشن کے سیکرٹری رشید ملک کے مطابق پنجاب لان ٹینس ایسوسی ایشن کی ٹینس کے فروغ کیلئے بھرپور کوششیں جاری ہیں۔ جونیئر کیمپ پنجاب بھر میں جاری رہے گا۔اس سلسلے میں افتتاحی تقریب باغ جناح ٹینس کورٹس میں ہوگی۔ رشید ملک کے مطابق پنجاب حکومت ان کو اس پراجیکٹ میں مکمل سپورٹ کر رہی ہے۔ انہوں نے وزیراعلیٰ پنجاب میاںشہباز شریف کا بھی خصوصی شکریہ ادا کیا۔ ان کا کہنا تھا کہ ٹینس کے فروغ کیلئے ہر ممکن کوشش کریں گے۔ گرمیوں کی چھٹیوں میں جونیئر بچوں کے کیمپ سے بہت سارے بچوں کو فائدہ ہوگا۔