ملتان/ سیالکوٹ (نامہ نگار) سیالکوٹ انٹرنیشنل ائر پورٹ پر قطر ائرویز کی پرواز کے مسافر سے دو کلو گرام ہیروئن برآمد ہوئی، ائرپورٹ سکیورٹی فورس نے گرفتار کرکے اینٹی نارکوٹکس فورس کے حوالے کردیا۔ گرفتار مسافر فیاض سے برآمد ہونے والی ہیروئن کی عالمی منڈی میں مالیت کروڑوں روپے ہے اور اس نے ہیروئن کو انتہائی مہارت کے ساتھ اپنے سامان میں چھپایا ہوا تھا جسے قبضہ میں لے کر مسافر کو گرفتار کرلیا گیا۔ اینٹی نارکورٹکس فورس کے مطابق ملزم کا تعلق وزیرآباد سے ہے جس نے غیرملکی ائر لائنز کے ذریعے ایتھنز روانہ ہونا تھا۔