کولمبو (سپورٹس ڈیسک) زمبابوے اور سری لنکا کے درمیان ٹیسٹ میچ کے دوسرے روز زمبابوین ٹیم پہلی اننگز میں 356 رنز بنا کر آوٹ ہو گئی ۔ 160 رنز بنانیوالے کریگ اروائن اور تریپانو محض 12 رنز کے اضافے کیساتھ پویلین لوٹ گئے۔ تریپانو 27، مساکادزا 19، چکابوا 12، مساکاندا 6، سین ولیمز 22، سکندر رضا 36، پیٹر مور 19، میلکم والر 36 اور گریم کریمر 13 رنز بناکر نمایاں رہے۔ رنگنا ہیراتھ نے 5کھلاڑیوں کو آئوٹ کیا۔ سری لنکا نے دوسرے دن کھیل کے اختتام تک سات وکٹوں پر 293رنز بنا لئے ‘مہمان ٹیم کا سکور برابر کرنے کیلئے مزید 63رنز درکار جبکہ تین وکٹیں باقی ہیں ۔کرونا رتنے پچیس‘اوپل تھرنگا 71‘کپتان چندی مل 55‘اینجلو میتھیوز 41 رنز بناکر آئوٹ ہوئے ۔ کریمر نے تین ‘تری پانو اور ولیمز نے ایک ایک وکٹ حاصل کی ۔