کراچی (آئی این پی+ نوائے وقت رپورٹ) کراچی کے علاقے اورنگی ٹاﺅن میں مسلح افراد کی فائرنگ سے سیاسی جماعت پاک سرزمین پارٹی (پی ایس پی) کے ڈویژنل عہدیدار راشد سمیت 2کارکن جاں بحق ہو گئے۔ سپرنٹنڈنٹ آف پولیس (ایس پی) اورنگی ٹان عابد بلوچ کا کہنا ہے پی ایس پی کے کارکن سندھ گورنمنٹ قطر ہسپتال کے قریب قذافی ٹاﺅن کی ایک گلی میں بیٹھے تھے ان پر دو مسلح موٹرسائیکل سواروں نے حملہ کیا اور فرار ہوگئے۔ ایس پی عابد بلوچ کا کہنا ہے یہ ٹارگٹ کلنگ کا واقعہ ہوسکتا ہے۔ دریں اثناءسہراب گوٹھ میں فائرنگ سے خاتون جاں بحق ہو گئی پولیس کے مطابق یہ ڈکیتی مزاحمت کا واقعہ ہے۔