میڈر ڈ فلمی میلے میں بہترین ہدایت کارہ کا انعام سعودی خاتون نے جیت لیا
ریاض (این این آئی) میڈرڈ انٹرنیشنل فلم فیسٹیول میں مختصر فلموں کی کیٹیگری میں بہترین ہدایت کاری کا ایوارڈ سعودی خاتون ہدایت کار ریم البیات نے اپنے نام کر لیا۔ ریم کو یہ ایوارڈ ان کی فلم یقظنی (مجھے بیدار کرو) پر ملا۔ میڈیا رپوٹس کے مطابق فلم کی کہانی سماجی بحرانوں سے دوچار سلام نامی ایک عورت کے گرد گھومتی ہے جو اپنی زندگی کی دشواریوں کے سبب نفسیاتی پیچیدگی کا شکار ہو گئی۔ ریم البیات اس سے پہلے دو فلمیں ظلال اور دمیہ پیش کر چکی ہیں جن میں کم سن بچیوں کی شادی کو موضوع بحث بنایا گیا۔
