مغربی کنارا: فلسطینی نے گاڑی چڑھا دی‘ 2 اسرائیلی فوجی زخمی‘ جوابی کارروائی میں شہید
ہبرون +مقبوضہ بیت المقدس+غزہ (اے ایف پی +اے این این) مغربی کنارے کے نواحی شہر ہیبرون میں فلسطینی نے گاڑی تلے روند کر 2اسرائیلی فوجیوں کو زخمی کر دیا‘ جوابی کارروائی میں شہید ہوگیا۔ قابض صہیونی فوج نے مسجد اقصیٰ کے باب الاسباط کے باہر نام نہاد سکیورٹی قدغنیں عائد کرنے کے خلاف بطور احتجاج دھرنا دینے والے فلسطینیوں پر وحشیانہ تشدد کیا جس کے نتیجے میں کئی شہری زخمی ہوگئے۔ فلسطینی میڈیا رپورٹس کے مطابق قابض صہیونی فوج نے وحشیانہ طاقت کا استعمال کرتے ہوئے فلسطینی مظاہرین کو حرم قدسی کی دیواروں سے باہر دھکیل دیا۔
