لاہور(سپورٹس رپورٹر)محکمہ لائیوسٹاک اس سال پہلے مرحلے میں پنجاب کے چھ اضلاع کی 8220غریب دیہی بیوہ خواتین میں 11520جانور مفت تقسیم کریگا۔ وزیراعلیٰ پنجاب شہباز شریف کے ویژن کے مطابق دیہی علاقوں کی غربت ختم کرنے کے پروگرام کے تحت پہلے مرحلے میں چھ اضلاع بالترتیب جہلم، چکوال، اوکاڑہ، خانیوال، ننکانہ اوربہاولنگرکی8220غریب بیوہ خواتین میں 11520جھوٹیاں، ویہڑیاں اوربھیڑ بکریاں مفت تقسیم کرے گا۔ غریب دیہی خواتین میں مفت جانورتقسیم کرنے کا یہ احسن اقدام بنیادی طورپر ان کے لیے باعزت روزگارکا اہتمام ہے۔