لاہور(نمائندہ سپورٹس) ورلڈ ہاکی لیگ میں بری کارکردگی پر پی ایچ ایف نے ٹیم مینجمنٹ اور سلیکشن کمیٹی کے بعد قومی ٹیم میںبھی جھاڑوپھیر نے کی تیاری شروع کردی ہے۔ ورلڈ ہاکی لیگ میں بدترین کاکردگی کا مظاہرہ کرنے پر پاکستان ہاکی فیڈریشن نے مینجمنٹ اور سلیکشن کمیٹی کو گھر بھیجنے کے بعد اب قومی ٹیم میں بھی تبدیلیا ں کرنے پر غور شروع کردیا ہے ،کپتان عبدالحسیم خان اور سابق منیجرحنیف خان کے بعدان کے بھتیجے حسین کی ٹیم سے چھٹی کا امکان ہے ،نئی مینجمنٹ سینئرکھلاڑی محمدعرفان کوکیمپ میں طلب کرچکی ہے۔