لاہور (نمائندہ سپورٹس) پنجاب لان ٹینس ایسوسی ایشن کے زیراہتمام پیک فرینز گلوکوپاکستان اوپن ٹینس چیمپئن شپ 2017ء کا کوالیفائنگ رائونڈ آج بروز اتوار سے باغ جناح ٹینس کورٹس میں ہوگا۔ پنجاب لان ٹینس ایسوسی ایشن کے سیکرٹری رشید ملک کے مطابق ٹورنامنٹ 23 سے 29 جولائی تک پنجاب لان ٹینس اکیڈمی باغ جناح میں کھیلا جائے گا جس میں پاکستان کے تمام ٹاپ کھلاڑی شریک ہوں گے۔ ان کا کہنا تھا عقیل خان سمیت پاکستان کے تمام ٹاپ کھلاڑی اس پاکستان اوپن کا حصہ ہوں گے۔ ٹورنامنٹ میں 150 سے زائدکھلاڑی پاکستان بھر سے شریک ہوں گے۔ رشید ملک کے مطابق مین رائونڈ کے پہلے روز چیمپئن شپ کی افتتاحی تقریب شام ساڑھے چار بجے ہوگی۔پنجاب لان ٹینس ایسوسی ایشن ٹینس کے فروغ کیلئے کوشاں ہیں۔ رشید ملک نے پیک فرینز گلوکو کی مینجمنٹ کا بھی شکریہ ادا کیا جنہوں نے پاکستان اوپن ٹینس ٹورنامنٹ کو سپانسر کیا۔ پچھلے سال کی طرح اس سال بھی زیادہ سے زیادہ ٹینس ٹورنامنٹ منعقد کروائیں گے۔