دہلی (بی بی سی ڈاٹ کام) مقبوضہ کشمیر میں ہجوم کے ہاتھوں پولیس افسر محمد پنڈت کے قتل کو تقریباً ایک ماہ پورا ہو رہا ہے لیکن ان کے گھر میں اب بھی ماتم کا ماحول ہے۔ ان کے خاندان والوں نے کہا ہے کہ اسے فرقہ وارانہ رنگ نہ دیا جائے۔ ان کے مطابق قتل کرنے والے جانتے تھے کہ ایوب مسلمان تھے، انہیں ہندو سمجھ کر نہیں مارا گیا۔ سرینگر کی جامع مسجد کے باہر سکیورٹی پر تعینات پولیس افسر محمد ایوب پنڈت کو 22 جون کی شب ہجوم نے تشدد کر کے قتل کر دیا تھا۔