لندن (بی بی سی) لندن کے لوٹن ائرپورٹ پر ایک شخص کو مبینہ طور پر جہاز کا ایمرجنسی دروازہ کھولنے کی کوشش پرگرفتار کیا گیا ہے۔ ائر پورٹ حکام کا کہنا ہے کہ گزشتہ رات تقریباً دس بجے (جی ایم ٹی) پولیس کو ائر پورٹ طلب کیا گیا کیونکہ جہاز پر پولینڈ سے تعلق رکھنے والا شخص کافی شور کر رہا تھا۔ پولیس نے تصدیق کی کہ اس شخص کو جہاز کو خطرے میں ڈالنے کے جرم میں گرفتار کیا گیا اور اس شخص کو پہلے ہسپتال لے جایا گیا اور اب اس سے مزید پوچھ گچھ ہو رہی ہے۔