قصور(نمائندہ نوائے وقت) نواحی کاندھوں کھارا میں پی ٹی آئی کے امیدوار برائے چیئرمین کی ساتھیوں کے ہمراہ مسلم لیگ ن کے یوسی چیئرمین اور ساتھیوں پر فائرنگ سے چار افراد زخمی۔ کاندھوں کھارا میں مسلم لیگ ن کے چیئرمین یوسی 72عبدالرزاق اور پی ٹی آئی کے ہارنے والے چیئرمین کے امیدوار مقبول کے مابین ریت کی ٹرالیاں بھرنے کے تنازعہ پر جھگڑا ہوا تو ملزمان مقبول، محمد حسین ، دین اور عابد علی وغیرہ نے فائرنگ کر دی جس سے چیئرمین عبدالرزاق ، امین، وقار اور فقیر وغیرہ زخمی ہو گئے جنہیں علاج کے لئے لاہور ہسپتال منتقل کر دیا گیا ہے ۔