فیول ایڈجسٹمنٹ : نیپرا نے بجلی 2 روپے 23 پیسے یونٹ سستی کرنے کی منظوری دیدی
اسلام آباد (این این آئی)نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں کمی کی منظوری دیدی ۔تفصیلات کے مطابق نیپرا نے بجلی کی قیمتوں میں 2روپے 23پیسے فی یونٹ کمی کی منظوری دیدی ہے جس کا اطلاق جون کے بلوں میں ہو گا ۔ذرائع کے مطابق بجلی کی قیمتوں میں کمی کی منظوری ماہانہ فیول ایڈجسٹمنٹ کی مد میں کی گئی تاہم قیمتوں میں کمی کا اطلاق جون کے بلوں میں کیا جائے گا ۔بجلی کی قیمت میں کمی سے صارفین کو 25ارب روپے کا ریلیف ملے گا ۔
