کیپٹن (ر) عارف نواز خان آئی جی پنجاب تعینات، تعلق 14 ویں کامن سے ہے
لاہور (نامہ نگار) ایڈیشنل آئی جی اسٹیبلشمنٹ پنجاب کیپٹن (ر) عارف نواز خان کو آئی جی پنجاب پولیس تعینات کردیا گیا ہے۔ انکا تعلق 14 ویں کامن سے ہے۔نئے تعینات ہونیوالے آئی جی پنجاب پولیس کیپٹن (ر) عارف نواز خان نے کہا ہے کہ عوام کے تحفظ کو یقینی بنایاجائیگا جبکہ ملک دشمن عناصر اور دہشت گردوں کے خلاف آپر یشن جاری رہیگا ۔ان خیالات کا اظہار انہوں نے گزشتہ روز آئی جی پنجاب تعینات ہونے کے بعد میڈیا سے گفتگوکر تے ہوئے کیا۔انہوں نے کہا کہ دہشت گردوں اور سماج دشمن عناصر کیخلاف آپریشن بھر پور انداز میں جاری رہیگا جبکہ شہریوں کے جان و مال کے حفاظت کیلئے تمام وسائل بروئے کار لائے جائیں گے۔تھانہ کلچر میں تبدیلی کیلئے مزید اقدامات کئے جائیں گے۔عوام کے ساتھ زیادتی کرنے والے پولیس افسران اور اہلکاروں کو معاف نہیں کیا جائیگا، ایسے افسران و اہلکاروں کیخلاف سخت کارروائی ہوگی۔
