اسلام آباد (خصوصی نمائندہ) چیف الیکشن کمشنر سردار محمد رضا خان کے بیرون ملک دورہ کے دوران عبدالغفار سومرو نے قائم مقام چیف الیکشن کمشنر آف پاکستان کے حلف اٹھا لیا۔ جسٹس الطاف ابراہیم نے ان سے عہدے کا حلف لیا۔ اس سلسلے میں ایک پروقار تقریب حلف برداری الیکشن کمشن سیکرٹریٹ اسلام آباد میں منعقد ہوئی جس میں الیکشن کمشن کے سینئر افسران نے شرکت کی۔ چیف الیکشن کمشنر جسٹس (ر) سردار محمد رضا 16 ویں کیمبرج کانفرنس میں شرکت کے لئے انگلینڈ کے دورے پرگئے ہیں۔ اس دوران عبد الغفار سومرو قائم مقام چیف الیکشن کمشنر کے طور پر اپنے فرائض سرانجام دیں گے۔ قانون کے مطابق چیف الیکشن کمشنر کی عدم موجودگی کی صورت میں سینئر ممبر الیکشن کمشن بطور چیف الیکشن کمشنر خدمات سر انجام دیتے ہیں۔