کراچی(کرائم ر پورٹر) کراچی کے مختلف علاقوں میں جمعرات کو فائرنگ کے واقعات میں ایک شخص ہلاک اور تین افراد زخمی ہوگئے ۔ ملیر میں لیاقت مارکیٹ کے نزدیک خواجہ چوک پر مسلح ملزمان نے ایک نوجوان 25 سالہ آفتاب ولد شیخ محمدایوب کو فائرنگ کرکے ہلاک کردیا اور فرار ہوگئے۔ پولیس کے مطابق مقتول آفتاب پنجاب کا رہنے والا تھا اور اس کا قتل دشمنی کانتیجہ معلوم ہوتا ہے جس کے بارے میں تفتیش شروع کردی گئی ہے ۔ ادھر سچل کے علاقے عبداللہ شاہ غازی گوٹھ میں نامعلوم افراد کی فائرنگ سے ایک شخص اصغر زخمی ہوگیا ۔فیڈرل بی ایریا کے علاقے نصیر آباد میں ایک نوجوان مغل کو فائرنگ کرکے زخمی کردیا گیا۔