لاہور(لیڈی رپورٹر)گورنمنٹ کالج یونیورسٹی لاہورکے شعبہ شماریات کے انچارج ڈاکٹر جعفر وفات پا گئے ہیں۔ان کی نمازہ جنازہ محلہ رسول نگرکچہری، ریلوے پھاٹک شیخوپورہ میں ادا کی گئی۔ جس میں جی سی یونیورسٹی لاہور کے وائس چانسلر پروفیسر ڈاکٹر حسن امیر شاہ ، رجسٹرار صبور خان سمیت جی سی یو نیورسٹی کے فیکلٹی ممبران اور طلباءکی کثیر تعداد نے شرکت کی۔اس موقع پر وائس چانسلر پروفیسر ڈاکٹر حسن امیر شاہ نے ڈاکٹر جعفر کی وفات پر گہرے رنج وغم کا اظہار کرتے ہوئے کہا کہ وہ ایک اچھے اور شفیق استاد اور نرم گو انسان تھے ۔اللہ تعالیٰ ان کے اہلِ خانہ کو صبر جمیل عطا فرمائے۔