پی ٹی آئی جلسہ میں بدنظمی، کارکن گتھم گتھا، عمران کو بھی سٹیج پر چڑھتے دشواری ایک شخص سے پستول برآمد
اسلام آباد (نوائے وقت رپورٹ) اسلام آباد کے پریڈ گرائونڈ میں تحریک انصاف کے جلسہ میں سخت بدنظمی دیکھنے میں آئی۔ نجی ٹی وی کے مطابق عمران خان کی آمد کے موقع پر سٹیج کے داخلی راستے پر بدنظمی ہوئی جس سے عمران خان کو بھی سٹیج پر چڑھنے میں دشواری کا سامنا کرنا پڑا۔ پی ٹی آئی کے کارکنوں نے سٹیج پر چڑھنے کی کوشش کی جس پر کارکن گتھم گتھا ہوگئے۔ کارکنوں نے ایک دوسرے کو دھکے دیئے۔ پی ٹی آئی کارکن میڈیا کے کنٹینر پر بھی چڑھ گئے۔ عمران خان کے کارکنوں نے کارکنوں پر گھونسوں کی بارش کی۔ بدنظمی کے باعث عمران خان کی گاڑی جلسہ گاہ کی دیوار توڑ کر اندر داخل ہوئی۔ جلسہ گاہ سے سفید لباس شخص سے پستول برآمد ہوئی۔ پستول والے شخص کی شناخت کی جارہی ہے۔
بدنظمی
