لاہور (نمائندہ سپورٹس) بھلیر ہاکی کلب ننکانہ کے صدر عرفان الحسن بھٹی کا کہنا ہے کہ سینئر اور جونئیر ٹیموں کی نئی انتظامیہ سے اچھی امیدیں ہیں۔ پاکستان ہاکی فیڈریشن کی طرف سے ٹیم انتظامیہ میں تبدیلی خوش آئند ہے۔ پی ایچ ایف نچلی سطح پر کھیل کے فروغ کے لیے مناسب اقدامات کر رہی ہے۔انڈر 18 ٹیم کو چار ماہ کے لیے آسٹریلیا بھجوایا گیا ہے اس سے نوعمر کھلاڑیوں کو بہت فائدہ ہو گا۔ شہباز احمد سینئر قومی کھیل کی آخری امید ہیں انکے دور میں پاکستان نے آخری مرتبہ عالمی کپ اور چیمپئنز ٹرافی جیتی تھی۔